Tags

, ,

Ilang araw nang nag-uuulan…
Tag-init, ito na ba ang iyong katapusan?
Tuluyan ka na bang magpapaalam?
Hintayin mo muna sanang makalasap ako ng sand, sea, and sun.

Nahihirapan man ako
sa matinding init na dala mo
mas kanais-nais kang kasama, sa tingin ko,
bukas sa paparoonan ko.

Nakahanda na ang maleta
at ang diwa ko’y nauna na.
Pakisamahan mo ako sana
at manatili ka muna.

Ang ayaw ko lang naman sa iyo
ay ang alinsangang dala mo
at ang lagkit na dulot nito.
Bumubula na ang kilikili ko.

Pero ayos lang, bale wala na sa akin yon,
basta’t gawin mong masaya ang aking bakasyon.
Ilang oras nalang mula ngayon!
Paalam muna, Lungsod Quezon.

Nga pala, di ko pa natitingnan ang resulta ng bola nung Myerkules…
makakabili na kaya ako ng inaasam kong bagong bahay sa Quezon City?